• Laerskool Kenmare maak gebruik van assistente / studente wat deel uitmaak van die Mentorskapprogram.
• Hierdie assistente is almal universiteitstudente wat as deel van hul prakties deurentyd by klasse ingedeel is vir indiensopleiding.
• Hulle lewer ‘n besondere groot bydrae in Grondslagfase. Die groter meerderheid van dié assistente is werksaam in die Grondslagfase
• Assistente roteer jaarliks na ander klasse en/of grade om sodoende blootstelling te kry.
• Studente van universiteite wat net tydelik kom prakties doen word geplaas waar die behoefte is.

Grondslagfase volg die “Kweek Dissipline met Deernis” stelsel van Hettie Brittz.  Al die Grondslagfase personeel is ook hierin opgelei.

Dié sisiteem fokus op:

• Karakterbou
• Korreksie van gedrag
• Straf
• Hulpverlening

In die opvoeding van kinders is liefde en dissipline die twee keersye van dieselfde saak.

Dit kan onderskei, maar nie geskei word nie.  Liefde sonder dissipline is so bederwend as wat dissipline sonder liefde afbrekend is.  Liefde en dissipline wat saam funksioneer, verleen aan mekaar besondere krag en effek.

Daar word klem gelê op positiewe inskerping en aanmoediging tot positiewe gedrag.

Kwartaalliks:  Kennie-Trots toekenning word aan  een seun en een dogter per klas toegeken.  Dié toekenning het niks met akademie te doen nie.  Dit dui op uitsonderlike gedrag, omgee en meelewing.

“Buddy” maats – Daar word elke kwartaal twee kinders per klas as “Buddy” maats aangewys.  Hulle kyk uit vir maats wat eensaam is op die speelgrond.

Weekliks:  Daar word elke Maandag ‘n Spogkind en Staatmakerkind per graad aangewys in die saal wat as motivering dien tot goeie gedrag.  Dit is bv. vir uitsondelike netjiese werk of ekstra hulp ens. in die klas.

Wanneer ‘n leerder gestraf word, moet daar altyd ‘n rede en ‘n doel wees – ‘n rede en ‘n doel wat rym met die doel van die opvoeding van die kind.

• Klasdissipline weerspieël die gees van die skool en sal ten alle tye die volgende aspekte reflekteer nl. Netheid en ordelikheid.
• Algemene klasreëls word deur die hele fase toegepas. Hierdie reëls word in die klaskamer opgeplak sodat die leerders ten alle tye bewys is van wat van hulle verwag word, ongeag by wie hulle die volgende jaar geplaas word.
• Geen personeellid mag die klas onnodig verlaat en die leerders alleen los nie.
• Streng dog regverdige dissipline moet gehandhaaf word met die nodige empatie.
• Leerders mag nie in die klaskamer rondhardloop, skreeu of speel nie.
• Die klasleiers moet weet wat van hulle verwag word.
• Geen leerder mag vir beuselagtighede rondgestuur word nie.
• Leerders word nie deur ‘n maat kantoor toe vergesel nie.
• Aan die einde van die dag word die leerders deur ‘n personeellid na die hek geneem en oor die pad gehelp.
• Leerders wie se ouers laat is moet weer teruggestuur word na hulle klaskamers.
• Leerders met gedragsprobleme kry ‘n briefie in haar/sy huiswerkboek wat deur die ouers geteken moet word.
• Die probleem word met die hoof opgeneem waarna daar besluit word of die ouers gekontak moet word al dan nie.
• Raadpleeg ook die skoolbeleid in hierdie verband.

Gr. 1 & 2 (07:15-13:00)

Gr. 3 (07:15 – 13:30)

• Kontinue assessering is die fokuspunt van elke les en vind plaas om vas te stel of die leerder die:
  • leerinhoude verstaan en wat die onderwyseres kan doen om die leerder se leer te verbeter.
• Leerders word deurlopend in klasverband en individueel deur hulle klasonderwyseres geassesseer.
• ‘n Oopdeurbeleid word nie net deur die fasiliteerder gehandhaaf nie, maar ook deur die hoof dat indien die behoefte by enige ouer sou ontstaan, hy/sy baie welkom is om enige onduidelikheid so gou moontlik op te neem met die betrokke onderwyseres.
• Ouers kan telefonies of per brief ‘n afspraak reël maar verkieslik na 13:00.

• Huiswerk in die Grondslagfase is tot die minimum beperk. Dit is egter in die leerder se eie belang dat hy/sy huiswerk doen.
• Huiswerk dien as inskerping en verryking en word glad nie in berekening gebring wanneer ‘n leerder geassesseer en ‘n vorderingsverslag saamgestel word nie.
• Projekte wat in Lewensvaardigheid gegee word help om die leerders se vermoë te ontwikkel om planne te kan maak asook om te kan redeneer. Die projekte is van so ‘n aard dat die leerders met die nodige leiding en beplanning dit self kan voltooi voordat dit ingehandig moet word.  ‘n Huiswerkbrief word weekliks uitgegee en die werk behoort in ± 30-minute afgehandel te word.

Afrikaans                   4

Addisionele taal       3

Wiskunde                   3

7. Uitstekend! (Ek kan dit perfek en selfstandig doen.)

6. Baie goed bemeester. (Ek kry dit al baie goed reg en werk onafhanklik.) 

5. Goed bemeester. (Ek kry dit reg met min foute.) 

4. (Ek kry dit reg sonder hulp en aanmoediging, maar maak nog foute.) 

3. Benodig soms hulp. (Ek kry dit reg met heelwat hulp en aanmoediging.) 

2. Benodig intensiewe hulp. (Benodig nog intensiewe hulp.  Ervaar die opdragte as ‘n uitdaging.oortdurende oefening is nodig by die skool en tuis.) 

1. Nog nie bemeester nie. (Begrippe nog glad nie bemeester nie.  Dringende intervensie word benodig.)

Korrektiewe onderrig (KO):

Korrektiewe Onderrig – middel tot verbetering van ‘n fout.

Heronderrig (HO) (Individuele hulpverlening):

Hulp om ‘n begrip/bewerking vas te lê deur middel van individuele aandag

Remediërende onderrig (RO):

Langtermyn proses.

Daar is in elke graad ‘n personeellid wat die R.O. klasse hanteer.

“Wacky Wednesday”:

Elke personeellid identifiseer leerlinge wat ekstra hulp benodig. Hulle ontvang dan op Woensdae middae hulp waar nodig.